| 二零零九年十月廿四日(星期六) 朝早約咗媽媽同婆婆去荃灣飲早茶~ 肥仔諾真係好攞命........... 把咀仔講野激到你唔知好嬲定好笑~ Case 1 飲緊茶.......係咁打我~~ 結果俾我打手仔........ 喊住想搵皇兄鍚!! 結果........ 姑姐:"阿哥,你去廁所避一避先啦........費事佢搵你鍚....要教吓先得架!!" 皇兄:"做咩要去廁所避呀??" 諾諾:"屙屎呀........"(本來喊緊.......突然間停咗爆呢句野出黎.....攪到我都忍唔住笑")=_=" Case 2 飲完茶番到屋企......諾諾見皇兄吸塵.... 佢就拎個地拖出黎拖地.....(似模似樣架.....) 嫲嫲:"BB,你又拎個地拖出黎,你又做賓賓呀?" 諾諾:"係呀...做賓佬呀!!" =_="我聽到第一個反應.......真係笑到噴飯+笑到喊~ Case 3 響屋企玩玩吓又走過黎搣我.....=_=" 姑姐:"丫.......黃天諾....我由今日開始唔睬你...唔鍚你呀~哼!" (你估..........個衰仔包竟然答我咩?...........真係嘔血呀!!!) ............... ......................... ....................................... 諾諾:"你有寶........." 
(好肥美嘅手臂.....) 
夜晚約咗阿貞地去沙田食飯...... 又可以見到司庭啦.....呵呵!! 我好鐘意陳生呢張相~~~ 原因..........咪就係佢手上多咗司庭囉!! 成個樣都唔同曬呀!!wakakakaka~~~~ 
(司庭隻手仔....好cutie~) 
(好好味嘅上海粗炒.....正!) 
(早到咗沙田..........自己行咗一陣~~買咗支香水俾老公~~呵!好香~) |
| |
| 二零零九年十月廿一日(星期三) 約咗阿芝,豬包仔同泰迪去又一城食飯~ 本來約十月十二號......因為阿芝要present所以改咗廿一號!! 一年一聚?定係兩年一聚呢??上一次響旺角.....都唔記得幾耐lu~ 買咗個cake孖阿芝慶祝生日......雖然遲咗2日....呵~~ 入到Dan Ryan好多Halloween嘅Decoration..... 阿芝原來好驚scream個面具架~~~哈哈 預早訂咗枱都係坐中間....仲要左邊右邊都係面具~~ 所以要求轉枱......坐入D~~ 個feel幾好~~~  
(四個傻人玩自拍.........) 
|
| |
| 二零零九年十月十七日(星期六) 是日......番咗公司OT!! 本來約咗肥媽媽又要取消~ 呢排好似約親肥媽媽都有d阻滯!! OT.....O到五點半~ 番屋企放狗狗之後就搭車車出旺角搵老公食飯~ 等等吓.....望望吓....先見到原來係自己舊曆生日喎!! 哈哈....... 等等吓......見到公主~ 傾傾吓......."乜你唔知今晚陳生同你睇戲咩?" "吓....真係唔知喎~睇咩?" "單身大急救囉....." "咦....我想睇嗰齣喎!!不過.....十點先睇可能會瞓著!!" 跟住去咗亞龍度食咖哩!! 自從食過亞龍之後......其他的都覺得唔係好好食~ 仲轉咗新舖!!乾淨咗好多.....舒服!! 
(老公食的咖哩魚....) 
(我食的咖哩牛肉.....) 
食食吓......老公電話響掛住講電話!! 我......眼望望.......望出街..... 兜口兜面望住個好熟口面嘅男人!!! 街方look~踼拖~Tee~大肚腩~ 好熟口面喎......邊個呢? 記唔起....... 等陳生講完電話再問~~~ "babababababa....babababa......" 佢......."李修賢囉" 係喎.................哈哈哈哈!!!! 食完由吳松街行番去朗豪坊!! 眼瞓到極點~~=_=" |
| |
| 二零零九年十月十五日(星期四) 去埋迪士尼個黑色世界.......... 引誘老公join埋annual pass!!呵~ 以後可以成日去!! 唔知點解.......好似無咁驚!! 陳生話:應該唔驚....."唔通有隻唐老鴨走出黎黎...鴨鴨鴨咁嚇你咩!!" 哈哈.........諗諗吓....又好似應該唔驚咁喎!! 唔理......總之周圍無人嚇就安心d~ 
好得意.....好樹葉切出黎嘅米奇頭..... 
(好靚呀....隻杯杯.....不過$85一隻.....好似貴咗少少!!) 
(從未食過如此多汁的pizza.....=_="難食!!) 等埋阿肥先入鬼屋....... 好驚....好驚.... 入咗2間.......搣到老公好實!! 到入第3間.......老公話"你唔入架啦??你都係唔好入啦....你搣到我好痛呀!" 哈哈哈哈.......瘀曬!!! 跟住七點九睇巡遊~ 好靚.......... 有d想再去多次~~~ |
| |
| 二零零九年十月十一日(星期日) 孖司庭,阿貞哋入咗長洲~ 踩單車!!呀...唔係....坐單車~ 老公為咗我......踩家庭單車!! 全程唔洗郁.......辛苦曬~~哈哈!!! 
哇.....司庭終於都warm up完啦..... 竟然肯俾陳生抱呀...... 
(我嘅早餐.....) 
坐完單車....... 去咗食海鮮~~~ 本來諗住買番一打芒果糯米滋番公司...... 竟然再一次同"天然"無緣!!! 內部裝修=_=!! |
| |
